काठमाडौं । यतिबेला कतारमा ‘फिफा विश्वकप फुटबल २०२२’को महासंग्राम जारी रहँदा नेपालमा पनि विश्वकपको माहोलले छपक्कै छोपेको बेला कलाकारहरुले पनि आ आफ्नो देशको सर्मथनका जर्सीहरुसहितका पोस्टहरु सामाजिक संजालमा गरिरहेका छन् ।
जसमध्येकी एक हुन् नायिका श्वेता खड्का पनि । ब्यबसाय, कलाकारिता र फिल्म निर्माणमा अब्बल मानिएकी यी नायिकाले अर्जेन्टिनाको जर्सी लगाएको केही तस्वीरहरु सार्वजनिक गरेकी छिन्।
अर्जेन्टिना टिमको सपोर्ट गर्दै श्वेताले आफ्नो फेसबुक अकाउन्टबाट तस्वीर सार्वजनिक गरेकी हुन् । अर्जेन्टिनाले कतारको लुसेइल रङ्गशालामा क्रोएसियालाई ३(० गोलअन्तरले गएराती पराजित गर्र्दै अर्जेन्टिना फाइनलमा पुगेको छ । फाइनलमा अर्जेन्टिनाले फ्रान्स र मोरक्कोबीचको विजेतासँग उपाधिका लागि प्रतिस्पर्धा गर्नेछ ।
खेलको ३४औं मिनेटमा लियोनल मेस्सीले पेनाल्टीमार्फत् गोल गर्दै अर्जेन्टिनालाई सुरुवाती अग्रता दिलाएका थिए भने खेलको ३९औँ मिनेटमा जुलियन अल्भारेजले गोल गर्दै अग्रता दोब्बर बनाए । साथै ६९औँ मिनेटमा अल्भारेजको दोस्रो गोलपछि अर्जेन्टिनाले ३(० गोलअन्तरको जीत सुनिश्चित ग¥यो ।
जीतसगै अर्जेन्टिनाले सन् २०१८ मा रुसमा भएको विश्वकपको समूह चरणको खेल क्रोएसियासँग ३(० को हारको बदला पनि लिएको छ । क्वार्टरफाइनलमा अर्जेन्टिना र क्रोएसिया दुवै टोली पेनाल्टी सुटआउटमा विजयी हुँदै सेमिफाइनल प्रवेश गरेका थिए । अर्जेन्टिनाले नेदरल्याण्ड्सलाई र क्रोएसियाले ब्राजिललाई पराजित गर्दै सेमिफाइनलमा पुगेका थिए ।
विश्वकपमा अर्जेन्टिनाको यो छैटौँ पटकको फाइनल यात्रा हो । अर्जेन्टिना यसअघि सन् १९३०, १९७८, १९८६, १९९०, २०१४ फाइनलमा पुगेको थियो भने दुई पटक विश्वकप उपाधि जितेको छ । सेमिफाइनलको दोस्रो खेल नेपाली समयअनुसार बुधबार राति १२ः४५ बजेदेखि सुरु हुनेछ ।
