मुम्बई । करिना कपुरले ‘रामायण’मा सीता बन्नका लागि १२ करोड मागेको कुराले बलिउड तरंगित भएको छ । रनवीर कपुर, साहिद कपुर मार्काका हिरोले ६र७ करोड लिइरहेका बेला करिनाले यति विधि पैसा मागेपछि हल्ला हुनु स्वभाविक नै हो । करिनाले मागेको यो पैसालाई कसैले स्वभाविक मानेका छन् त कसैले अस्वाभाविक । तर, तापसी पन्नूले भने करिनाले मागेको यो रकम स्वभाविक भएको बताएकी छिन् । उनले हिरोले धेरै पैसा माग्यो भने चैं सफलताको रुपमा व्याख्या गर्ने तर हिरोइनले मागे भने चैं भाउ खोजेको रूपमा बुझ्ने गरेको बताइन् ।
‘के हिरोले चैं निःशुल्क काम गर्ने हो र रु करिनाले पनि हिरोले चैं पैसा माग्न पाउँछिन् किनकि करिना पनि सुपरस्टार हो,’ उनले भनेकी छिन् । दंगल निर्देशक नितेश तिवारीले निर्देशन गर्न लागेको ‘रामायण’मा ऋतिक रोशन र प्रभासले अभिनय गर्ने कुरा छ ।सौर्य दैनिकमा खबर छ । फिल्ममा ऋतिक रावण बन्ने हल्ला छ भने प्रभास राम । निर्माताले सीताको भूमिकामा लागि भने हिरोइनको खोजी गरिरहेका छन् । करिनाले १२ करोड मागेपछि निर्माता नयाँ सीताको खोजीमा लागेको चर्चा थियो । करिनाबाहेक दीपिका पादुकोनलाई निर्माताले लिन चाहेको समाचार आएका थिए ।
