काठमाडौं – पोर्चुगलका स्ट्राइकर क्रिस्टियानो रोनाल्डोलाई अर्जेन्टिनी कप्तान लियोनल मेसीले विश्वकप फुटबल प्रतियोगितामा सर्वाधिक गोलकर्ताको सूचीमा पछि पारेका छन् । अस्ट्रेलियाविरुद्ध एक गोल गरेका मेसी सर्वाधिक गोल गर्ने खेलाडीको सूचीको आठौँ स्थानमा पुगेका छन् ।
रोनाल्डोको नाममा आठ गोल संख्या हुँदा मेस्सीले गोल संख्या नौ पु¥याएका छन् । मेसीले २३ खेलमा नौ गोल र रोनाल्डोले विश्वकपमा २० खेलमा आठ गोल गरेका हुन् । विश्वकप इतिहासमा लगातार पाँच संस्करणमा गोल गर्ने रोनाल्डो पहिलो खेलाडी हुन् ।
अस्ट्रेलियासँगको प्रतिस्पर्धामा मेसीको एक हजार करिअर खेल पूरा गरे । यो उपलब्धि मेसीले आफ्नो एक सयौँ कप्तानीमा हात पारेका हुन् ।कतार विश्वकपमा मेसीले चार खेलमा तीन गोल गरेका छन् ।
मेसीले समूह चरणमा मेक्सिकोविरुद्ध दुई रेकर्ड बनाएका थिए । एकै विश्वकपको एकै खेलमा गोल र असिस्ट दुवै गर्ने पाका खेलाडीको कीर्तिमान मेसीले आफ्नो नाममा राखेका थिए ।
