पहिलो एकदिवसीय खेलमा घरेलु टोली बंगलादेशले भारतलाई हराएको छ ।उसले भारत माथी रोमान्चक जित हात पारेको हो । शेरे बंगला नेशनल स्टेडियममा भएको खेलमा बंगलादेशले भारतलाई १ विकेटले स्तब्ध बनायो । यो जित संगै तीन खेलको एकदिवसीय अन्तराष्ट्रिय सिरिजमा घरेलु टोलीले १-० को अग्रता लिएको छ ।
भारतले दिएको १ सय ८७ रनको लक्ष्य पछ्याएको बंगलादेशले ४६ ओभरमा ९ विकेट गुमाएर पुरा गर्यो । बंगलादेशका लागि कप्तान लिन्टन दासले ६३ बलमा ४१ मेहेदी हसनले अविजित ३८ रन बनाए । साकिब अल हसनले २९ रन बनाए । भारतका लागि मोहम्मद सिराजले ३ तथा कुलदिप शेन र वासिङ्टन सुन्दरले समान २र२ विकेट लिए ।
त्यसअघि पहिले ब्याटिङ गरेको भारतले ४१।२ ओभरमा अलआउट हुँदै १ सय ८६ रन बनाएको हो । भारतका लागि केएल राहुलले ७० बलमा ५ चौका र ४ छक्काको सहयोगमा ७३ रनको अर्धशतकीय ईनिङ खेले ।
कप्तान रोहित शर्माले २७ रन जोड्दा श्रेयस अय्यरले २५ रन बनाए । बंगलादेशका लागि साकिव अल हसनले १० ओभरमा ३६ रन दिएर ५ विकेट लिए । इबाडट होसाइनले ४ तथा मेहेदी हसनले १ विकेट लिए ।
