कतारमा जारी फिफा विश्वकप फुटबलमा आज बाट नकआउट चरणका खेलहरु हुदैछन् । आजको नकाउट चरणमा दुई खेलहरु हुदैछन् । आजको पहिलो खेलमा नेदरल्यान्ड्स र अमेरिका भिड्ने छन् । दुई टोलीबीचको खेल नेपाली समय अनुसार राति पौने ९ बजे सुरु हुनेछ ।
दुबै टोली जित निकाल्दै क्वाटरफाइनलमा स्थान बनाउने योजनामा रहेका छन् । नेदरल्यान्ड्स समूह ए को विजेता बन्दै नकआउट चरणमा पुगेको हो । अमेरिका भने समूह बी को उपविजेता बनेको थियो । यस्तै दोस्रो खेलमा अर्जेन्टिना र अष्ट्रेलियाबीच प्रतिस्पर्धा हुनेछ ।
खेल राति पौने १ बजे सुरु हुनेछ । उपाधि दाबेदार अर्जेन्टिना अष्ट्रेलियालाई हराएर क्वाटरफाइनलमा पुग्न चाहन्छ । अष्ट्रेलिया पनि अर्जेन्टिनालाई घर पठाउदै अघि बढ्ने योजनामा रहेको छ ।
अर्जेन्टिना समूह सी को विजेता बन्दै नकआउट चरणमा पुगेको हो भने अष्ट्रेलिया समूह डी को उपविजेता बन्दै नकआउट चरणमा पुगेको हो । आज पराजित हुने टोली घर फर्कनेछ । त्यसैले पनि खेल रोमान्चक र प्रतिष्पर्धात्मक हुने अनुमान गर्न सकिन्छ ।
