कतारमा जारी फिफा विश्वकप फुटबलमा साविक विजेता फ्रान्स आज भएको खेलमा पराजित हुन पुगेको छ । पराजित भए पनि फ्रान्सले नकाउट चरण प्रबेश गरेको छ । कतारको एजुकेसन सिटी स्टेडियममा आज सम्पन्न भएको खेलमा फ्रान्सलाई ट्युनिसियाले एक शुन्यले पराजित गरेको हो ।
ट्युनिसियाको जितमा वाह्बी खाज्रीले निर्णायक गोल गरे । उनले खेलको ५८ औं मिनेटमा गोल गरेका हुन् । ट्युनिसियाले निक्कै दबाब सिर्जना गरेको आजको खेलको इन्जुरी समयमा सब्सिच्युड खेलाडीको रुपमा मैदान प्रवेश गरेका फ्रान्सका एन्टोनियो ग्रीजम्यानले गोल त गरे तर त्यसले मान्यता पाउन सकेन ।
भीएआरले उनलाई अफसाइड देखाए पछि उनले गरेको गोलले मान्यता नपाएको हो । समूह डी को फ्रान्सले ३ खेलमा ६ अंक जोड्यो । ट्युनिसिया प्रतियोगिताबाट बाहिरिएको छ । ट्युनिसियाले ३ खेलमा ४ अंक मात्र जोड्न सक्यो ।
