कतारमा जारी फिफा विश्वकप २०२२ मा आज भएको खेलमा घाना बिजयी भएको छ । समूह एचको खेलमा घानाले दक्षिण कोरियाविरुद्ध जित हासिल गरेको हो । एजुकेशन सिटी स्टेडियममा भएको खेलमा घानाले ३-२ गोल अन्तरले दक्षिण कोरियालाई पराजित गरेको हो ।
खेलको २४ औं मिनेटमा मोहमद सालिसुले गोल गर्दै घानालाई सुरुआती अग्रता दिलाएका थिए । ३४ औं मिनेटमा घानाका मोहमद कुडुसले अग्रता दोब्बर पार्यो । कोरियाका लागि चो गि सुङ्गले ५८ औं तथा ६१ औं मिनेटमा गोल गरे । ६८ औं मिनेटमा घानाका मोहमद कुडुसले गरेको गोल नै निर्णायक भयो ।
जितसँगै घाना ३ अंकका साथ समूह एच को दोस्रो स्थानमा उक्लिएको छ । हारसँगै दक्षिण कोरिया १ अंकका साथ समूहको पुछारमा रहेको छ । घाना पहिलो खेलमा पोर्चुगलसँग ३-२ को अन्तरले पराजित भएको हो । दक्षिण कोरियाले उरुग्वेसँग गोल रहित बराबरी खेलेको हो ।
