भारतकी चर्चित गायिका श्रेया घोषालले अचम्मको खुलासा गरेकी छिन् । २३ घन्टाअघि लेखिएको इन्स्टा पोस्टमा श्रेया घोषालले यस्तो कुरा सेयर गरेकी छिन्, जुन थाहा पाएपछि उनका फ्यानहरु दुःखी भएका छन् । कन्सर्टमा व्यस्त रहेकी श्रेया घोषालले कन्सर्टपछि आफ्नो आवाज पूरै हराएको बताइन् ।
इन्स्टा स्टोरीमा जानकारी दिँदै श्रेया घोषालले आफ्नो आवाज गएको बताइन् । तर डाक्टरको सहयोगमा उनी अहिले ठिक छन् । उपचारपछि श्रेया घोषाल अर्को कन्सर्टमा सहभागी भइन् । श्रेया घोषालले इन्स्टा पोस्टमा लेखेकी छिन्– आज म निकै भावुक छु । म मेरो ब्यान्ड, परिवार र मेरो ए टोलीलाई धेरै माया गर्छु।
टोलीले मलाई मेरो सबैभन्दा राम्रो र खराब चरणहरूमा समर्थन गरेको छ । जे भए पनि मलाई चम्काउन मद्दत गरेको छ । ।श्रेयाले थप लेखेकी छिन्, ‘हिजो राति ओर्ल्यान्डोमा भएको नाइट कन्सर्टपछि मेरो आवाज पूर्ण रूपमा गुमाएँ ।
मेरा शुभचिन्तकहरूको आशीर्वाद र डा। समीर भार्गवको राम्रो हेरचाहले गर्दा, मैले मेरो आवाज फिर्ता पाउन सकें। त्यसपछि मैले न्युयोर्क एरिनामा ३ घण्टाको प्याक कन्सर्टमा गाउन पाए । मलाई यति धेरै माया दिनुभएकोमा न्यूयोर्कलाई धन्यवाद। श्रेया घोषालले आफ्नो अमेरिका भ्रमण सकिएको बताइन् ।
