काठमाडौं- बलिउड फिल्म उद्योगमा कैयौं सेलिब्रेटीको अफेयरको खबर भाइरल भइरहन्छ । यीमध्ये कैयौं स्टार विवाहको बाटोसम्म पुग्छ भने कैयौंको बीचमा नै ब्रेकअप हुने गरेको छ ।झण्डै ६ वर्षसम्म डेट गरेका अभिनेता टाइगर श्राफ र अभिनेत्री दिशा पटानीको जोडीको ब्रेकअप भएको छ ।
जोडीको के कारणले ब्रेकअप भयो भन्ने केही कारण खुलेको छैन । ब्रेकअप पछि टाइगर आकांक्षाको प्रेममा रहेको बताइएको छ । महेश बाबु र वरुण धवनसँग केही विज्ञापनमा काम गरेकी उनली अहिले टाइगरसँग प्रेममा रहकोले चर्चामा छन् ।सन् २०२० मा उनले दक्षिण भारतीय फिल्म ‘त्रिविक्रम’बाट डेब्यु गरेकी थिइन् ।
आकांक्षाले मोडलको रुपमा एक्टिङ करिअरको सुरुवात गरेकी थिइन् । आकांक्षा र टाइगरले ‘कैसेनोवा’मा काम गरिसकेका छन् । त्यस्तै यता नायिका दिशा पनि मोडल तथा अभिनेताको प्रेममा परेकी छन् । यि दुई डिनरमा गएर फर्कदैै गरेको भिडियो भाइरल बनेको छ । भिडियोमा मोडलले दिशाको खुब ख्याल गरेका छन् । अलेक्जेन्डर एलेक्स नाम गरेको मोडलको प्रेममा परेको खबर भने पहिलो पटक बाहिर आएको हो ।
