एजेन्सी । दक्षिण भारतीय अभिनेत्री हंसिका मोटवानी विवाह बन्धनमा बाधिदै छन् । उनीले हालै आफ्नो विवाहको खबर इन्स्टाग्राम मार्फत सार्वजनिक गरेकी थिइन् । उनले आफ्नो भावी पति सोहेल खटुरियासँगको तस्वीर इन्स्टाग्राम पोस्ट गरेकी छन् ।
विवाहको बारेमा सामाजिक संजालमा लेखेपछि उनलाई बधाइको अेइरो नै लागेको छ । सोहेलले हंसिकालाई रोमान्टिक ढंगमा विवाहको प्रस्ताव राखेका थिए । चकित पार्ने कुरा के छ भने हंसिकाले विवाह गर्न लागेका सोहेल उनको आफ्नै साथी रिंकीका पूर्व पति रहेको खुल्न आएको छ ।
रिंकी र सोहेलको विवाह सन् २०१६ मा भएको थियो । तर, उनीहरू केही समयपछि नै अलग भएका थिए । अहिल ेसोहेल र रिंकीको विवाहको भिडियो भाइरल भइरहेको छ ।
सार्वजनिक भएको भिडियोमा हंसिका आफ्नी साथी रिंकी र सोहेलको विवाह अघिको समारोहमा सहभागी भएकी छन् ।हंसिका यसै वर्षको ४ डिसेम्बरमा सोहेलसँग विवाह गर्दैछिन् । दुवैले जयपुरको मुन्डोटा फोर्टमा विवाह गर्न लागेका हुन् ।
