तेलुगु फिल्म प्रति बलिउडको चासो बढ्दै गएको छ । भारतीय बजारमा ठुलो हिस्सा ओगटेको बलिउडले धमाधम तेलुगु फिल्मको रिमेक गरिरहेको कुराले पनि थप प्रस्ट हुन्छ । धेरै तेलुगु फिल्म हिन्दीमा रिमेक भईसकेका छन् ।
अब फेरी बलिउड नायक अजय देवगनले पनि तेलुगु फिल्मलाई हिन्दी रिमेक गर्न लागेका छन् । उनले दक्षिण भारतीय निर्देशक संग मिलेर तेलुगु फिल्म नान्धीको हिन्दी रिमेक गर्न लागेका हुन् । कुन चाँहि निर्देशक भन्ने बारे अजयले केही खुलाएका छैनन् ।
उनले सामाजिक सञ्जाल मार्फत दिल राजु प्रोडक्सन्स र अजय देवगन फिल्म्स को ब्यानरमा तेलुगु हिट फिल्म ‘नान्धी’को हिन्दी रिमेक गर्ने जानकारी दिएका हुन् । उनले अन्य कलाकारका बारेमा पनि जानकारी दिएका छैनन् ।
