काठमाडौं २८ भदौ । नेपाली कांग्रेसकी सहमहामन्त्री महालक्ष्मी उपाध्याय ‘डिना’ ले आफुले निलम्बित प्रधानन्याधीश चोलेन्द्रशम्शेर राणाको क्वाटरमा गएको स्वीकार गरेकी छन् ।
मंगलबार गृहजिल्ला हेटौँडा पुगेकी डिनाले राणालाई ‘ग्रेसफुल एक्जिट’ को प्रस्ताव राखेको बताएकी हुन् । ‘म उहाँको क्वाटरमा गएको सत्य हो । तर उहाँले भनेजस्तो कुनै अधिकार बोकेर गएको भने होइन ।’
राणाले दीपकराज जोशीलाई आफ्नो उत्तराधिकारी बनाउन सहजीकरण गरिदिएमा महाअभियोग फिर्ता लिने प्रस्ताव लिएर डीना आफ्नो क्वार्टरमा आएको बताएका थिए । यता डिनाले भने आफूले सहमहामन्त्री जितेपछि न्यायालयका धेरै मानिसले पटक-पटक फोन गरेर प्रधानन्याधीश राणा ‘ग्रेसफुल एक्जिट’ को लागि प्रधानमन्त्रीसम्म कुरा पुर्याइदिन आग्रह गरेपछि आफु गएको बताइन् ।
‘प्रधानमन्त्रीकोमा कुरा पुर्याउनको लागि त मैले उहाँ (राणा) सँग नभेटी त हुँदैन नि रु उहाँको कुरा सुनिसकेपछि मात्रै म प्रधानमन्त्रीसँग यो कुरा राख्न सक्छु र राजीनामा दिइसकेपछि महाअभियोग फिर्ताको सम्भावना हुनसक्छ भन्ने हिसाबले म भेट्न गएको हो ।’ उनले स्पष्ट पारिन् ।
‘मैले भेटर निकैबेर कुरा गर्दै उहाँलाई निकास दिन आग्रह गरेको बताएकी उनले राजीनामा गरेपछि तपाईंको सम्मानजनक बहिर्गमन हुन्छ भने महाअभियोग लगाउने गठबन्धनका नेतृत्वहरुले पनि सोच्न सक्नुहुनेछ आफुले भनेको बताइन् ।
‘तर, उहाँले प्रधानमन्त्रीमाथि धेरै दोष लगाउनुभयो, तर मैले हाम्रो पार्टीको सांसदहरूले मात्र महाअभियोग नलगाएको कुरा बताएँ ।’ उनले अघि थपिन् ।
