काठमाडौं –
मोडल रेशा आलेमगरले अनमोल केसीसँग रोमान्स गर्ने भएकी छन् । उनले फिल्म ‘छड्के २’मा अनस्क्रिन रोमान्स गर्ने खबर बाहिर आएको छ । निर्माताले बाँकी कलाकार बारे सार्वजनिक गरे पनि ‘लिड एक्ट्रेस’लाई लुकाइरहेको थियो ।
कलाकार तथा निर्माता देवु श्रेष्ठले फिल्ममा अनमोल केसीको लुक्स सार्वजनिक गर्ने क्रममा रेशालाई पनि ट्याग गरे पछि रेनेशाले अभिनय गर्ने कुरा बाहिर आएको हो । अहिले फिल्मको छायांकन चितवनमा धमाधम भइरहेको छ ।
मंगोलियन लुक्सकी रेशा हट एन्ड स्टाइलिस पनि छिन् । फिल्मलाई निगम श्रेष्ठले निर्देशन गरिरहेका छन् । यो ग्याङस्टर फिल्मले जडिबुटी ओसारपोसारमा दुई ग्याङबीच हुने लडाइँको कथा भन्छ । यस अघि अनमोल केसी लुक्स बाहिर आएको थियो ।
