काठमाडौं :
दिपक दीपाका ‘छक्कापञ्जा ४’ कात्तिक ४ मा रिलिज हुने भएको छ । निर्माता तथा अभिनेता दीपकराज गिरीले अहिले सम्मको सम्भावना हेर्दा कात्तिक ४ गते भन्ने रहेको बताए । यद्यपी यस बारे चाडै नै निधो दिने बताए । तिहारमै ल्याउनुपर्ने दबाब समेत रहेको उनले बताए ।
त्यसपछिको उपयुक्त मिति वैशाख वा अर्को दशैंमा हुन सक्छ । जसको कारण पनि कात्तिक ४ मै फिल्म आउन सक्ने संकेत दीपकले गरे । मंसिरमा चुनाव, त्यसपछि विश्वकप फुटबल र जाडोयामका कारण पनि तिहारको बिदामा फिल्म लाग्ने उनले बताए ।
तिहारमा आठ दिन लगातार सार्वजनिक बिदा भएकाले पनि बक्स अफिसको लागि उपयुक्त हुन सक्छ । उनले भने फिल्मलाई हेमराज बीसीले निर्देशन गरेका हुन् । छक्कापञ्जा ४’मा दीपकसहित दीपाश्री निरौला, केदारप्रसाद घिमिरे, बेनिशा हमाल र मलिना जोशीको प्रमुख भूमिका छ ।
