मुम्बई – बलिउड अभिनेत्री तापसी पन्नु अहिले रूसमा छिन्। उनीछुट्टी मनाउन रुस पुगेकी हुन् । कोरोना कारण भारतीय चलचित्रको सुटिङलगायतका काम सुचारु हुन नसकेपछि उनी रूस पुगेकी हुन् । उनी अहिले रुसका विभिन्न रमणीय स्थानमा घुमघाममा व्यस्त छिन्। उनी आफू मात्रै रूसका सुन्दर ठाउँहरू घुम्ने होइन, आफूले घुमेका स्थानहरूको तस्बिर सामाजिक सञ्जालमा सेयर गरिरहन्छिन् ।
केही न केही कारणले चर्चामा आउन तपसी पछिल्ला ेसमयकी निकै व्यस्त नायिका हुन् । केही वर्षअघि मात्र बलिउडमा डेब्यु गरेकी तापसीले लामो समयदेखि क्रियाशील अभिनेत्रीहरूलाई पछाडि छाड्दै आएकी छन्।
उनी गत वर्ष अनुभव सिन्हाको चलचित्र ‘थप्पड’का कारण चर्चामा आएकी थिइन्। उनको अभिनयको धेरैले प्रशंसा गरेका थिए। तापसी हसिन दिलरुबा, रश्मी रकेट, दो बारा, लुप लपेटा र साबास मिठ्ठुलगायतका चलचित्रमा देखिँदै छिन्।
