काठमाडौं २१ भदौ । नेपाल भ्रमणमा रहेका भारतीय स्थल सेनाका प्रमुख मनोज पाण्डेले प्रधानमन्त्री शेरबहादुर देउवासँग भेट गरेका छन् ।
पाण्डे प्रधानमन्त्री देउवालाई भेट्न प्रधानमन्त्री तथा मन्त्रिपरिषद्को कार्यालय सिंहदरबारमा पुगेका हुन् ।
पाँच दिने नेपाल भ्रमणमा आएका पाण्डेले सोमबार राष्ट्रपति विद्यादेवी भण्डारीबाट नेपाली सेनाको मानार्थ महारथीको दर्ज्यानी ग्रहण गरिसकेका छन् ।
भेटमा प्रधानमन्त्री देउवाले भारतीय सेनाले नेपाली सेनालाई गरेको सहयोगको प्रशंसा गर्दै दुई देशबीचको सहकार्य जारी रहने बताए ।
