काठमाडौं १८ भदौ । नेकपा एकीकृत समाजवादीका अध्यक्ष माधवकुमार नेपालले नेपाली कांग्रेसलाई आफ्नो हैसियत भन्दा बढी सिट नखोज्न भन्दै चेतावनी दिएका छन् ।
शनिबार बिराटनगरमा आयोजित पेशागत महासंघको जिल्लास्तरीय भेलालाई सम्बोधन गर्दै अध्यक्ष नेपालले कांग्रेसलाई यस्तो चेतावनी दिएका हुन् । कांग्रेसका कारण सिट बाँडफाँट टुङ्गो नलागेको बताएका उनले कांग्रेसमा अहंकार देखिएको बताए ।
‘हामीले छलफल चलाइरहेका छौ, तर कांग्रेसमा अहंकार देखिएको छ ,हामीलाई सय सिट चाहियो । उब्रिएको तिमीहरु बाँड भन्छन् । हामीले उनीहरुलाई जवाफ दिएका छौं, हैसियतभन्दा बढी माग्ने काम नगर ।’ नेपालले भने ।
बालुवाटारमा बालुवा पेलेका पेल्यैछौं, त्यो बालुवाबाट तेल निस्किएको छैन । आज पनिपेल्नुपर्ने हो कि भन्दै नेपालले कांग्रेसमाथि आक्रोश पोखे ।
आफुलाई सय सिट चाहिँन्छ भन्दै कांग्रेसले दावी गरेको भन्दै नेपालले बाँकी उब्रिएको तिमीहरु बाँड भनेको भन्दै कांग्रेसमाथि आक्रोश पोखेका हुन् ।
