मेलम्ची-गएराति देखिको वर्षाले मेलम्ची नदीमा आएको बाढी । बाढीले मेलम्ची–हेलम्बु सडकअन्तर्गत मेलम्ची– ११ मा सडक अवरुद्ध भएको छ । तस्बिर ः देवराज सुवेदी÷रासस
मेलम्ची–हेलम्बु सडक अवरुद्ध
गए रातिको बाढीले मेलम्ची–हेलम्बु सडकअन्तर्गत मेलम्ची–११ मा सडक अवरुद्ध भएको छ । सीमखेत नजिकै नदी सडकमा पसेर कटान गर्दा यातायातका साधन सञ्चालनमा समस्या आएको इलाका प्रहरी कार्यालय मेलम्चीले जनाएको छ ।
सडक अवरुद्ध हुँदा हेलम्बु गाउँपालिका र मेलम्चीको वडा नं ६ र ७ का स्थानीय प्रभावित भएका छन् । पानीको बहाव हेरेर सडक सञ्चालन गरिने मेलम्ची नगरपालिकाका प्रमुख आइतमान तामाङले जानकारी दिनुभयो ।
