एजेन्सी । सलमान खान, ऐश्वर्या राय बच्चन र अजय देवगन प्रमुख भूमिकामा रहेको फिल्म ‘हम दिल दे चुके सनम’ले २२ वर्ष पुरा गरेको छ । त्रिकोणात्मक प्रेमकथामा आधा रित फिल्म सन् १९९९ जून १८ मा रिलिज भए लगत्तै सुपरहिट बनेको थियो । बहुचर्चित यो फिल्मको निर्देशन सञ्जय लीला भन्सालीले गरेका हुन् ।
फिल्म २२ वर्ष पूरा भएको अवसरमा सलमानले पोस्ट गरेको एउटा तस्विर अहिले भाइरल बनेको छ । सार्वजनिक तस्विरमा सञ्जय र सलमानमात्र देखिएका छन् । उक्त चलचित्रमा सलमानका अलावा , ऐश्वर्या राय बच्चन र अजय देवगन प्रमुख भूमिकामा भएता पनि सलमानले आफ्नो र निर्देशकको मात्रै तस्विर पोसट गरेका कारण ऐश्वर्याका फ्यानहरु सलमानसँग रिसाएका छन् ।
सलमानले तस्वीरमा अभिनेत्री ऐश्वर्यालाई ट्याग गरेका छैनन् । तस्विरमा अजय पनि छुटेका छन् । उता ऐश्वर्याले भने निर्देशक भन्सालीलाई धन्यवाद दिँदै ट्याग गरेकी छन् । यही फिल्मबाट ऐश्वर्या र सलमानको प्रेम सुरु भएको थियो । तर यो जोडीको प्रेम लामो समय टिक्न सकेन । प्रेमले पूर्णता नपाएपछि यि दुईको बोलचाल समेत नभएको भारतीय मिडियाले बेला बेलामा समाचारमा जनाउने गरेका छन् ।
