लभ अफेयरमा रहेको बलिउडको क्युट जोडी रणबीर कपुर र आलिया भट्टको फिल्म ब्रम्हास्त्रलाई लिएर यतिबेला खुब चर्चा चलिरहेको छ । यो फिल्मको रिलिज डेटलाई लिएर पनि उत्तिकै चर्चा छ । कोरोना महामारीका कारण शुटको काम रोकिएको छ ।
यसबीचमा कैयौ पटक शुटिंग लोकेशन बाट केही फोटोहरु भाईरल भए । तर अब खबर पक्का भएको छ कि फिल्मको शुटिंग बुडापेस्टम हुनेछ । फिल्मका निर्देशक अयान मुखर्जी , ब्रम्हास्त्रको अन्तिम शेड्युल बुडापेष्टमा शुट गर्ने तयारीमा रहेका छन् ।
अगस्ट पछि जब अन्र्तराष्ट्रिय फ्लाईट सुरु हुन्छ त्यसपछि फिल्मको क्रु बुडापेस्ट जानेछ । पुरै फिल्मका क्रु मेम्बर भ्याक्सिनेट भएपछि रणबीर र आलियाले शुटिंग स्टार्ट गर्ने निर्माण पक्षको भनाई छ । अयान मुखर्जीले २०१३ मा जवानी है दिवानी बनाएका थिए ।
यस फिल्म ब्रम्हास्त्रमा रणबीर, आलिया संगै अमिताभ बच्चन, मौनी राय, नागार्जुन र डिम्पल कपाडिया जस्ता स्टारहरु रहेका छन् ।
