काठमाडौ :
अभिनेत्री एवं राप्रपा केन्द्रीय सदस्य रेखा थापाले नेकपा एमालेका अध्यक्ष केपी शर्मा ओलीलाई भेटेकी छिन् ।
नायिका थापाले ओलीलाई उनकै निवासमा गएर भेटवार्ता गरेका हुन् । थापासँगै भेटमा राप्रपा महामन्त्री कुन्ती शाही पनि उपस्थित थिइन् ।
आजको भेटमा समसामयिक राजनीति र चुनावबारे ओलीसँग छलफल भएको नायिका थापाले बताइन् ।
भेटका बारेमा जानकारी दिाद्यै थापाले ओली अविभावक जस्तै भएकाले उहाँसँग राजनीतिमा छोरीहरुको अवस्थाबारे पनि छलफल भएको बताए ।
प्रतिनिधिसभा र प्रदेशसभा निर्वाचनको मिति नजिकिइरहेका बेला एमालेले राप्रपासँग तालमेल गर्न सक्ने सम्भावनाको पृष्ठभूमिमा ओलीसँग सोही विषयमा पनि कुराकानी भएको हो ।
