काठमाडौं २५ साउन । गएराति आएको अविरल पानीले काठमाडौंको काँडाघारीस्थित प्रहरी प्रभागको भवन डुबानमा परेको छ ।
बाढीले प्रहरी प्रभाग काँडाघारीको कार्यालय भवनको एकतलाको सबै भाग डुबानमा परेको हो ।महानगरीय प्रहरी परिसर काठमाडौंले दिएको जानकारी अनुसार बाढीका कारण प्रहरी कार्यालयमा भएको खाद्यान्न, फर्निचर, लत्ताकपडा, भान्साका सामान बगाएको छ ।
साथै, कार्यालयसँगै पार्किङमा राखिएका तीन मोटरसाइकल पनि बाढीले बगाएर लगेको छ । अहिले सो सो क्षेत्रमा कम्प्युटर, इन्टरनेटलगायत सेवा अवरुद्ध भएको छ ।
प्रहरीद्वारा जारी विज्ञप्तिमा कार्यालयको कम्प्युटर, इन्टरनेट र सञ्चार उपकरणको बेस सेटले काम नगर्नुका साथै टेलिफोनसमेत अवरुद्ध भएको जानकारी दिएको छ ।
