काठमाडौं । भारतीय चर्चित कमेडियन कपिल शर्माले आफ्ना भगवान् रुपी फ्यानको आग्रहमा आफ्नो छोराको तस्विर पहिलो पटक सार्वजनिक गरेका छन् । कपिलका फ्यानले कैयौँ पटक गरेको आग्रहलाई स्विकार्दै कपिलले आफ्नो छोरा त्रिशानको तस्बिर पहिलो पटक सामाजिक सञ्जालमा सार्वजनिक गरेका हुन् ।
आफ्ना फ्यानको आग्रहलाई नर्कान नसकेका कपिलले फ्यानको माग बमोजिम आफ्ना छोरा र छोरीको एकसाथ भएको तस्विर सामाजिक संजाल मार्फत सार्वजनिक गर्दै भनेका छन् ‘पब्लिकको जोडदार डिमान्डका कारण अनायरा र त्रिशान पहिलो पटक एकसाथ ।’ यसअघि छोरीलाई जन्म दिएका कपिल गत १ फेब्रअरीमा छोरा त्रिशानको बुबा बनेका थिए ।
कपिलका छोराको तस्विर हेर्न आतुर फ्यानहरुले उक्त तस्विर कपिलले सार्वजनिक गरेसँगै अपार माया दर्शाएका छन्। जुन तस्विर अहिले सामाजिक संजालमाभाइरल भइरहेको छ ।
