काठमाडौं २३ साउन । नेकपा माओवादीका अध्यक्ष तथा पुर्व प्रधानमन्त्री समेत रहेका पुष्पकमल दाहाल प्रचण्डले यस पटकको निर्वाचनमा चितवन क्षेत्र ३ बाट उम्मेदवारी दिने भएका छन् ।
गएको २०७४ सालको निर्वाचनमा सोही क्षेत्रबाट उम्मेदवार बनेका प्रचण्ड नि र्वाचित भएका थिए । माओवादी केन्द्र चितवनका संयोजक रामचन्द्र अधिकारीले प्रचण्ड चितवन–३ बाट चुनाव लड्ने रहेको भन्दै प्रचण्ड चितवनभन्दा बाहिर जाने कुरा कल्पनासम्म गर्न नसकिने बताए ।
प्रचण्डले सार्वजनिक रुपमै पटकपटक चितवनबाट चुनाव लड्ने घोषणा गरिसकेको बताएका उनले आफ्नो दलले चितवनका सबै निर्वाचन क्षेत्रमा निर्वाचन तयारी थालिसकेको जानकारी गराए ।
आइतबार बसेको जिल्ला कार्यालयको विस्तारित बैठकमा नाव लक्षित एक महिने संगठन सुदृढीकरण र जनसम्बनध विस्तार अभियान सुरु भएको जानकारी दिएका अधिकारीले प्रचण्डलाई चितवन–३ बाटै निर्वाचन उठाउने निर्णय बैठकमा भएको बताए ।
माओवादीले मात्र होइन चितवनको विकास चाहने काँग्रेस, एमाले, राप्रपा लगायत दलका कतिपय नेता कार्यकर्ताले रै प्रचण्डलाई अन्त जान नदिन दबाब दिइरहेको बताएका उनले भनेका छन् , ‘प्रचण्डलाई फेरि जिताएर पठाउन हामी आतुर छौं, चितवन आतुर छ ।’
पार्टी अध्यक्ष भएकै कारण प्रचण्डलाई रुकुमपश्चिम, बर्दिया, सिन्धुली, गोरखा लगायत जिल्लाबाट चुनाव लड्न ती जिल्लाका माओवादी नेता कार्यकर्ताले आग्रह गर्दै आएको पनि उनले बताए ।
