काठमाडौं :
अनमोल केसीको ‘छड्के २’ लुक्स सार्वजनिक भएको छ । सार्वजनिक लुक्समा अनमोल हल्का लामो खैरो कपाल र टोन बडीसहित अनमोल ह्यान्डसम देखिएका छन् । फिल्म छायांकनअघि नै
अनमोलको लुक्स बाहिरिएको हो ।
तस्बिरमा निर्देशक निगम श्रेष्ठलाई पनि देख्न सकिन्छ । अनमोलले कार्यशालामा आफ्नो भिन्न चरित्रका लागि मिहेनत गरिरहेका छन् । फिल्ममा निगम श्रेष्ठको पटकथा र निर्देशन रहने छ । फिल्ममा अनमोलसहित रबिन तामाङ र कमलमणी नेपाल फाइनल छन् ।
भदौ १ गतेदेखि फिल्म सुटिङको तयारी रहेको छ । मनाङ र चितवनमा ६० दिन फिल्म छायांकन गर्ने तालिका छ ।
