अहिले सामाजिक सञ्जाल तथा अनलाईन पत्रिकाहरु यति धेरै स्याल हुईया फैलाउने माध्यम बनेका छन् कि बिश्वास गरिहाल्न पनि गाह्रो हुन्छ । यो कोरोनाको महामारीको बेला त झन् बलिउडका ठुलै सेलीब्रटीहरुको निधनको खबर तछाड मछाड गरेर नै आयो त्यो पनि भारतीय मिडिया बजारमा ।
केही दिन अघि अभिनेता सोनूले टेस्ट ड्राईभका लागि छोरालाई कारमा राखेर हिँडेको भिडीयो भाईरल भयो अनलाईन समाचारहरुले छोरालाई महंगो कार गिफ्ट गरे सोनूले भन्ने समाचार नै बन्यो । सोनूले त्यसको खण्डन पनि गरीसकेका छन् । हो यस्तै भएको छ अर्कि बलिउड नायिका रकुलप्रित सिंह लाई । उनी हिन्दी र दक्षिणभारतका दुवै फिल्म उद्योगमा उत्तिकै फिट रहेकी छिन् ।
दुवैतिर काम गर्ने भएपछि उनलाई काम गर्न भ्याई नभ्याई नै हुन्छ । तर यो कोरोनाको महामारीका बीच उनको बिषयमा यस्तो समाचार आयो जहाँ उनी पुरै बेरोजगार भएको खबर सार्वजनिक भए । उनले यो खबरको खण्डन गरेकी छिन् । उनले ट्विट गर्दै भनेकी छिन् ‘ मैले कहिले र कोसँग यस्तो भनेँ हुँला ? वर्षमा ३ सय ६५ दिन हुन्छन् ।
यसमा ६ वटा भन्दा बढी फिल्म म्यानेज गर्न कसैले आउँछ भने मलाई भन्नुहोला । हेडलाइनका लागि जे पनि भन्दिने ? उनले प्रति प्रश्न समेत गरेकी छिन् । रकुलको अघिल्लो महिना मात्र अर्जुन कपुरसँग जोडी बनेर खेलेको ‘सरदारका ग्रान्डसन’ शीर्षकको फिल्म नेटफ्लिक्समा रिलिज भएको थियो । उनले गलत समाचार प्रकाशन गर्ने मिडियाहरु प्रति आक्रोश पोखेकी छिन् ।
