एजेन्सी स्टुडेन्ट अफ द इयर–२ बाट बलिउडमा एन्ट्री गर्ने तारा सुतारिया आफ्नो बाल्यकालको तस्बिरका कारण चर्चामा छाएकी छिन् । यो तस्बिरमा उनी ठ्याक्कै तैमुर जस्तै देखिएका कारण उनी चर्चित भएकी हुन् । ताराले हालै यो तस्बिर इन्स्टाग्राम अकाउन्टमा सेयर गरेकी हुन् । यो तस्बिरमा तारालाई कसैले बोकिरहेको देख्न सकिन्छ ।
उनी बाल्यकालमा डिज्नी च्यानल को ‘बिग बडा बूम’, ‘द स्विट लाइफ अफ करन एन्ड कबिर’, ‘बेस्ट अफ लक निकी’ र ‘ओए जस्सी’ जस्ता टिभी शोमा आइसकेकी छिन् ।तारा एक गायिका पनि हुन् । उनी क्लासिकल ब्याले, मोर्डन डान्स र ल्याटिन अमेरिकन डान्सर पनि हुन् । बलिउडमा सफल एन्ट्रीपछि उनी आफ्नो दोस्रो फिल्म ‘मरजावां’ को सुटिङ गरिरहेकी छिन् ।
