कोरोना महामारीका कारण जति पनि रियालिटी शो हरु थिए ति सबै रोकीएका छन् । भारतका केही शो हरु चलिरहेका छन् । यस्तै रियालिटी शो हरु मध्ये नेपालकै आफ्नै अर्थात अग्र्यानिक कमेडी शो ‘कमेडी च्याम्पियन सिजन–२’ पनि रोकीएको थियो ।
तर अब दर्शकका लागि खुशीको खबर आएको छ यो शो फेरी संचालनमा आउने भएको छ । यसका लागि तयारी सुरु गरिएको जनाईएको छ । कोरोनाको दोस्रो पेन्डामिकका कारण यस शो को शुटिंग रोकीएको थियो ।
अहिले नेपालका सन्दर्भमा कोरोना संक्रमण घट्न थालेपछि तथा लकडाउन पनि केही खुकुलो भईरहेको अवस्थामा एक महिना भन्दा लामो समय देखी बन्द रहेको यस शो संचालनमा ल्याउने तयारीमा निर्माण पक्ष जुटेको छ । कोरोनाको त्रासमा रहेका नेपाली दर्शकहरुलाई अलिकति भए पनि राहत महशुस होस् भन्ने सोचेर पुर्ण स्वास्थ्य मापदण्ड अपनाएर शो संचालनमा ल्याउन लागिएको निर्माण पक्षले जनाएको छ । सकेसम्म यहि हप्ता देखी शो संचालनमा ल्याउने तयारी गरिएको छ । शो मा प्रतिष्पर्धी र निर्णायक तथा निर्माण क्रु मात्र रहने बताइएको छ ।
