काठमाडौं १८ साउन । तरकारीको बोरामा लुकाएर ल्याएको ९४७ बोतल प्रतिबन्धित लागू औषध डाइलेक्स डीसीसहित ३ जना पक्राउ परेका छन् ।
नेपाल प्रहरीको लागू औषध नियन्त्रण ब्यूरोले निजहरुलाई लागुऔषध सहित काठमाडौंको जडिबुटीबाट पक्राउ गरेको हो ।
पक्राउ पर्नेमा सर्लाहीको ईश्वरपुर नगरपालिका–६ का २१ वर्षका सन्तोष भन्ने विपिन कुशवाह, प्रदेश २ –०३–००१ च २५०९ नम्बरको गाडी चालक रौतहटको गरुडा नगरपालिका–९ का २५ वर्षका सुभाष राय यादव र गरुडा नगरपालिका–८ का १९ वर्षका मोहम्मद असफाक आलम रहेका छन् ।
