काठमाडौं ।
नेपालमा पछिल्ला दिनमा हास्य टेलिसिरियलहरुको निर्माण र चर्चा बढ्दो क्रममा छ ।
लोकप्रिय कलाकार सिताराम कटुटेल धुर्मुसले नयाँ शृखला ल्याउने तयारी गरिरहेको चर्चा बलीरहेका बेला उनका भाई कुमार कट्टेल ‘जिग्री’ भने आँफैले निर्माण र निर्देशन गर्दै आएको शृखला ‘सक्किगो नि’का पछिल्ला भागमा देखिएका छैनन् ।
समसामयिक विषयवस्तुमा निर्माण हुँदै आएको लोकप्रिय हास्य टेलिसिरियल हो ‘सक्किगो नि’ जिग्रीका अलावा अर्जुन घिमिरे ‘पाँडे’, रक्षा श्रेष्ठ, मधुसुदन पाठक, अशोक धिताल, सागर लम्साल, दीपक आचार्य ‘काकु’ लगायतका थुप्रै कलाकारदेखिँदा जिग्री भने पछिल्ला ५ भागमा नदेखिएपछि उनले ‘सक्किगो नि’ छाडेर दाजु धुर्मुसको नयाँ शृखलामा जान लागेका त होइनन् ? भन्ने लगायतका प्रश्नहरु उठेका छन् ।
कतिपयले त टिमसँगको मनमुटावका कारण कट्टेलले सिरियल छोडेको भनेका छन् भने कतिपयले कुमारले अर्को सिरियल ल्याउन लागेको अनुमानकाबिच जिग्रीले भने सबै अनुमानहरु झुठा भएको प्रतिक्रिया दिएका छन् ।
उनले सिरियलबाट आफु हराउनुको कारण सिरियल छोड्नु नभएको बताउँदै सिरियलको कथा अगाडि बढ्दै जाँदा आगामी भागमा आँफmु देृखिने बताए ।
