काठमाडौं :
बलिउड अभिनेत्री कृति सेननले आज आफ्नो ३२ औं जन्मदिन मनाइरहेकी छन् । उनको जन्मदिनमा उनलाई शुभकामना दिनेको ओइरा नै लागेको छ ।
करियरमा कयौं हिट फिल्म दिइसकेकी कृतिको नाम सुशान्त सिंह राजपुतसँग पनि जोडिएको थियो । दीवंगत अभिनेता सुशान्त सिंह राजपुतसँग उनको अफेयरको निकै चर्चा भएको थियो ।
उनीहरु दुवैजना पटक–पटक सँगै देखिएका थिए । कृति र सुशान्तको फोटोसुटका तस्वीरहरु पनि सार्वजनिक भएपछि यी दुईको प्रेमको चर्चा चुलिएको थियो । उनीहरुको उक्त तस्विरहरु सामाजिक सञ्जालमा निकै भाइरल भएका थिए ।
कृति र सुशान्तले सँगै गरेका फिल्मको नाम ‘राब्ता’ थियो । यो फिल्ममा पनि उनीहरु दुबैजना निकै नजिक देखिएका थिए । कृति बलिउडमा पछिल्लो समय रुचाइएकी नायिका हुन् ।
