काठमाडौं ।
अभिनेता भुवन केसी चलचित्र विकास बोर्डको अध्यक्ष बने लगत्तै शुभकामनाको ओइरो लागेको छ ।
यसैबिच भुवन केसीका छोरा तथा अभिनेता अनमोल केसीले पनि बाबुलाई सामाजिक संजाल मार्फत बधाई तथा शुभकामना ब्यक्त गरेका छन् । पितासँगको बाल्यकालको तस्विर पोस्ट गर्दै अनमोलले भुवनलार्य शुभकामना दिएका छन् ।
अनमोल अहिले फिल्म ‘छड्के २’ को वर्कसपका लागि केही दिनदेखि चितवनमा छन् । बाबुलाई शुभकामना दिँदै अनमोलले विकास बोर्डको जिम्मेवारीले पिताको भूमिका झन् गहन भएको उल्लेख गरेका छन् ।
अनमोलले बाबुको प्रेरणा आफ्नो जीवनका लागि सबै भन्दा महत्वपूर्ण पाटो रहेको भन्दै ‘बाटो हिँड्ने मान्छे भन्दा पनि बाटो बनाइदिने मान्छे महान हुन्छन् । भुवनको तारिफ गरेका छन् । अनमोल अगाडी लेख्छन् म तपाईंलगायत तपाईंका समकालीन हस्तीहरुकै पाइलाहरु पछ्याउँदै यहाँसम्म आइपुगेको छु ।
आजबाट तपाईंको भूमिका झन् गहन बनेको छ । नेपाली सिनेमाको श्रीवृद्धिमा तपाईंको थप योगदान रहने कुरामा म ढुक्क छु । यो गौरवशाली अवसर प्राप्त गर्नु भएकोमा धेरै धेरै बधाई तथा शुभकामना बाबा ।
मेरो मार्गदर्शक, मेरो प्रेरणा ।’अभिनेता केसीलाई सोमबारको मन्त्रिपरिषद् बैठकले चलचित्र विकास बोर्डको अध्यक्षमा नियुक्त गरेको हो । आज बिहान बोर्डको कार्यालय पुगेर केसीले पदभार ग्रहण गरेका छन्। अभिनेता केसी एमााले छाडेर काँग्रेस प्रवेश गरेको छोटो समयमा नै उनी बोर्ड अध्यक्ष बन्न सफल भएका हुन् ।
