काठमाडौं –
चर्चित हाँस्य टेलिश्रृखंला ‘तितो सत्य’ मा दीपकराज गिरी र दीपाश्री निरौलाको छोरा राजको भूमिकाबाट चिनिएका कलाकार राज आचार्य ‘छक्का पञ्जा ४’ मा हिरोको रुपमा देखिने भएका छन् ।
फिल्ममा उनको जोडी परिक्षा लिम्बु बन्ने बताइएको छ ।हिरोको रुपमा राजको यो डेब्यु फिल्म हो । दीपक दीपासँग फिल्ममा काम गर्न पाँदा खुशी लागेको राजले बताए । तितो सत्य’पछि केही म्युजिक भिडियोमा समेत राजले अभिनय गरेका छन् ।
सोमबार सूर्यविनायक मन्दिर भक्तपुरमा पूजा गर्दै छायाँकन सुरु गरेको फिल्ममा राजको अलवा दीपकराज गिरी, बेनिशा हमाल , मलिना जोशी, निर्मल शर्मा, केदार घिमिरे, नीर शाह, दीपाश्री निरौला लगायतको अभिनय रहने छ ।
यद्यपी फिल्ममा जितु नेपाल भने अटाएका छैनन् ।फिल्ममा बेनिशा र मलिना दीपकको जोडीको रुपमा रहनेछन् ।
