काठमाडौं ३ साउन । जनार्दन शमामाथि छानविन गर्न बनेको संसदीय विशेष समितिले अर्थ मन्त्रालयको सीसीटीभी फुटेज रिकभर गर्न नेपाल प्रहरी अन्तर्गतको फरेन्सिक ल्याबमा पठाउने भएको छ ।
बजेट निर्माणमा अनधिकृत व्यक्तिको प्रवेश गराई करको दर हेरफेर गराएको आरोपमाथि छानविन गर्न बनेको समितिले सीसीटीभी फुटेज उपलब्ध गराउन आग्रह गरेको थियो ।
अर्थ मन्त्रालयले छानबिन समितिलाई १३ दिनको मात्र फुटेज रहने र अरु क्रमशः मेटिँदै जाने जानकारी दिएपछि मेटिएको फुटेज कसरी रिकभर गर्ने भनेर प्रहरीको साइबर ब्यूरो र इन्जिनियरिङ अध्ययन संस्थानका विज्ञसँग सुझाव लिएको हो ।
विज्ञहरुले डिलिट भएको सीसीटीभी फुटेज रिकभर हार्डडिक्सको अवस्थामा भरपर्ने भन्दै प्रहरीको फरेन्सिक ल्याबमा पठाउन सुझाव दिएका छन् ।
