काठमाडौं ।
बलिउड अभिनेता सुशान्तसिंह राजपुत प्रकरणमा सुशान्तकी प्रेमिका रिया चक्रवर्ती, भाइ शोविक चक्रवर्ती र अन्यलाई आरोपी बनाएर आज ३५ आरोपीविरुद्ध अदालतमा आरोपपत्र दायर गरिएको छ ।
आरोपित ३५ जना विरुद्ध नै लागूऔषध खरिद गर्ने र आपूर्ति गर्ने आरोप लगाइएसँगै सुशान्तकी प्रेमीका भनिएकी रिया झनै अप्ठ्यारोमा परेकी छिन् ।
मार्च २०२० र डिसेम्बर २०२० को बीचमा एक आपराधिक षड्यन्त्र रचेको आरोप एनबिसीले लगाएको छ । जसअनुसार बलिउड र सम्भ्रान्त वर्गमा नशालु पदार्थ बिक्री गर्न सकियोस् भन्ने षड्यन्त्र रचिएको एनसीबीको दाबी छ ।
अवैध ट्राफिकिङ र अपराधीलाई शरण दिने, अपराधको प्रयास गर्ने र अपराध गर्न उक्साउने लगायतका विषय आरोप पत्रमा समेटीएका छन् ।
आरोपमा दोषी पाइए उनलाई १० वर्षको सजाय हुने जनाइएको छ । आगामी जुलाई २७ मा एनसीबीको उजुरीमाथि सुनुवाइ हुँदैछ ।
