डोटी :
दौडका क्रममा लडेर बेहोस भएका प्रहरी जवानको ज्यान गएको छ । सुदूरपश्चिम प्रदेश प्रहरी तालिम केन्द्र दिपायलमा लामो दौडका क्रममा लडेर घाइते भएका प्रहरी जवान भरत बोहराको हिजो उपचारका क्रममा ज्यान गएको हो ।
अछामको मेल्लेख गाउँपालिका–६ झाडिगाउँका २१ वर्षीय प्रशिक्षार्थीको बोहरा गएको २२ गते १० किलोमिटर लामो दौडका क्रममा लडेर बेहोस भएका थिए ।
लामो समयसम्म होस नआएपछि हेलिकप्टरमार्फत उपचारका लागि उहाँलाई कोहलपुर रेफर गरिएको तालिम केन्द्रका सूचना अधिकारी तथा प्रहरी नायब उपरीक्षक सागर बोहराले बताए ।
