काठमाडौं १९ असार । नेकपा एमालेको सचिवालय बैठक सुरु भएको छ । बैठक पार्टी मुख्यालय च्यासल ललितपुरमा केही अगाडी सुरु भएको हो ।
आइतबार बसेको सचिवालय बैठकमा आगामी चुनावको तयारी, पार्टीको आन्तरिक विषय र समसामयिक राष्ट्रिय राजनीतिबारेको छलफल हुने कार्यसुची रहेको छ ।
साथै बैठकमा प्रचार कामको व्यवस्थापन, वैचारिकरराजनीतिक प्रशिक्षण, सदस्यता विस्तार र नवीकरण, विभागहरूको काम व्यवस्थापन लगायतका सातवटा कार्यसूचीमा समेत छलफल हुने बताइएको छ ।
