जातीय बिभेद, गरिबी , निसन्तानपन र सामाजिक संस्कारको बिषयलाई एकदमै राम्रो संग उठान गरेको फिल्म प्रसादको प्रिक्वेल प्रसाद २ छायाँकनको तयारीमा जाने भएको छ । प्रसाद २’ फिल्म असार १६ गते देखि छायाँकन हुने भएको हो ।
ब्यवसायिक सफलताले उचाई छुन नसके पनि प्रसाद फिल्मले धेरै दर्शकको मन जितेको थियो । अब यहि फिल्मको दोस्रो भागमा आउने अनुहारलाई लिएर एकदमै र्चा परिचर्चा सुरु भएको छ । प्रसादमा मुख्य भुमिकामा देखिएका निश्चल बस्नेत प्रसाद २ बाट भने बाहिरिने भएका छन् ।
यस फिल्मको लागि निर्माण पक्षले अभिनेता राज कटुवाललाई अनुबन्धित गरेको छ । फिल्मको प्रमुख मध्येको एक भूमिकामा आफूले अभिनय गर्ने राजले जानकारी दिए । राजले ‘लीला’ र ‘लालटिन’ जस्ता फिल्ममा आफ्नो अभिनय कौशलता प्रस्तुत गरिसकेका छन् ।
यस फिल्ममा नम्रता, विपिन र निश्चलको स्थानमा अर्पण थापा यसअघि नै फाइनल भइसकेका छन् । यसअघि ‘प्रसाद’मा विपिन कार्की, निश्चल बस्नेत, नम्रता श्रेष्ठ शीर्ष भूमिकामा थिए । सुदर्शन थापाको निर्देशनमा बन्ने यस फिल्मको पटकथा फिल्म समिक्षक तथा लेखक सुशील पौडेल रहेका छन् ।
