काठमाडौं ।
अभिनेता पुष्प खड्का र अभिनेत्री श्रद्धा क्षेत्री प्रेमको चर्चा सिनेनगरीमा चुलीएको छ ।फिल्म ‘कृष्ण लीला’मा अभिनय गरेको यो जोडी रियल लाइफमा नै प्रेममा रहेको बताइन्छ । आगामी भदौ ३ गतेबाट प्रदर्शनमा उत्रिन लागेको फिल्मका यी जोडी रिल भन्दा पनि रियल लाइफmको प्रेममा रमाइरहेको स्रोत बताउँछ ।
यो जोडी अवार्ड कार्यक्रमदेखि विभिन्न सार्वजनिक कार्यक्रममा एकसाथ मात्रै पुगेको छैन एकान्तमा पनि समय बिताइरहेको छ । केही समय अगाडि उनीहरु एक बिहे पार्टीमा समेत सँगै पुगेका थिए ।
गत वर्ष यो जोडीले एकसाथ ‘ए मेरो हजुर’ बोलको म्यूजिक भिडियोमा पनि काम गर्यो । अहिले यो गीत ‘कृष्ण लीला’मा राखिएको छ, जुन शुक्रवार सार्वजनिक गरियो । तिलिचो तालमा नै पुगेर यो जोडीले अनस्क्रिन रोमान्स समेत गर्यो ।
लामो समयदेखि एकसाथ यात्रा गरेको जोडीको विषयमा प्रश्न गर्दा पुष्पले भने ‘हामी सँगै हुँदा ‘कृष्ण लीला’लाई नै प्रतिनिधित्त्व गर्ने भएकाले पनि हो ।’ त्यस्तै श्रद्धाले रेडिमेड जवाफ मा भनिन् ‘वास्तवै भन्नुपर्दा पुष्प राम्रो साथी मात्र हो ।’
