काठमाडौं १३ असार । श्रम रोजगार तथा सामाजिक सुरक्षा मन्त्री कृष्णकुमार श्रेष्ठ (किसान)ले मन्त्रीपदबाट बिदाई भएका छन् । सोमबार पत्रकार सम्मेलन गर्दै श्रेष्ठले आफूलाई सहयोग गरेजसरी नै नयाँ मन्त्रीलाई पनि सहयोग गर्न आग्रह गरेका छन् ।
‘जसरी मलाई सहयोग गर्नुभएको थियो, त्यसैगरी नयाँ आउने मन्त्रीलाई पनि सहयोग गरेर सफल पार्दिनुहोला,’ उनले भने । आफ्नो ८ महिना २१ दिनको कार्यकाल सफल भएको दावी गरेका उनले आफू पदमा रहँदा विवादरहित ढंगले काम गरेको बताएका छन् ।
मन्त्रालयबाट बिदा हुँदा कत्ती पनि नरमाइलो लागेको बताएका उनले भने , ‘माननीय अहिले पनि छु, अर्को मन्त्री हुन पनि सकिएला, फेरि पनि चुनाव जितेर आउन सकिएला’ उनले भने, ‘छुट्टीदा नरमाइलो लाग्नु स्वाभाविक हो, तर मन्त्रीको रुपमा जाँदा नरमाइलो लागेको छैन ।’
