काठमाडौं ९ असार । नेकपा एमालेका सांसद शेरबहादुर तामाङले गाँजा खेती नियमन छलफल नभएको भन्दै आपत्ती जनाएका छन् ।
बिहिबार बसेको प्रतिनिधि सभाको बैठकमा सहभागी भएका सांसद तामाङले संसद सचिवालयमा दर्ता गरेको गाँजा खेती नियमन तथा व्यवस्थापन विधेयकमा छलफल नभएको भन्दै आपत्ती जनाएका हुन् ।
संसद नियमावली अनुसार विधेयक दर्ता भएको ४ दिनभित्र विधेयकको कपी सबै सांसदलाई दिनुपर्ने व्यवस्था भएको र ७ दिनपछि छलफलमा ल्याउनैपर्ने व्यवस्था भएपनि आफुले ल्याएको विधेयकको हकमा यो लागु नभएको भन्दै उनले आपत्ती जनाएका हुन् ।
