फिल्म ‘दुई नम्बरी’को प्रदर्शन मिति र पोस्टर सार्वजनिक भएको छ। दिपेन्द्र लामाको निर्देशनमा बनेको यस फिल्मको सोमबार पोस्टर र प्रदर्शन मिति सार्वजनिक गरिएको हो । निर्माण पक्षले फिल्मको दुई वटा पोस्टर समेत सार्वजनिक गरे संगै रिलिज डेट समेत तोकेको छ।
पहिलो पोस्टरमा फिल्मका मुख्य कलाकार दयाहाङ राई, सौगात मल्ल, बुद्धि तामाङ, उग्येन छोदेन र उपासना सिंह ठकुरी फिचर्ड छन् भने दोस्रो पोस्टरमा दयाहाङ र सौगात मल्ललाई मात्र देख्न सकिन्छ। यस फिल्मको लगानीकर्ताहरुमा दिपक मनांगे, अमला देवी राई र जयेश श्रेष्ठ रहेका छन्।
मुख्य कलाकारसँगै फिल्ममा पुस्कर गुरुङ, सारदा गिरी, कविता आले, प्रकाश घिमिरे, सुष्मा निरौला लगायतका कलाकारलाई देख्न सकिन्छ। फिल्म कात्तिक ४ गते देशभर प्रर्दशन हुनेछ ।
