काठमाडौं :
फिल्म ‘पानीफोटो’को आधिकारिक टिजर सार्वजकि भएको छ । मिनेट ३० सेकेन्ड लामो टिजरमा फिल्मका मुख्य कलाकार खगेन्द्रसहित अनुप बराल, मेनुका प्रधान, मलिका महतको मर्म श्पर्शी अभिनय रहेको छ ।
टिजरमा मेनुका भन्छिन्, ‘लोग्नेमान्छे र स्वास्नीमान्छेसँगै भएपछि दःख हुने रहेछ । हाम्रो बिहे नभए छोरा जन्मने थिएन । छोरा नजन्मिया भए यसरी खोज्दै हिंड्नुपर्ने थिएन ।’ शस्त्र द्वन्द्वमा बेपत्ता छोरा खोज्ने यात्रामा निस्किएका दम्पतीको कथालाई मार्मिक रुपमा टिजरमा देखाइएको छ ।
फिल्मको निर्देशन पनि खगेन्द्र लामिछानेले गरेका छन् भने पटकथा पनि उनकै रहेको छ । फिल्मलाई दीपक बज्राचार्यले खिचेका हुन् भने निमेष श्रेष्ठले सम्पादन गरेका हुन् । फिल्मको ट्रेलर असार २८ गते रिलिज हुने जनाइएको छ भने फिल्म साउन १३ गतेदेखि प्रदर्शनमा आउनेछ ।
