काठमाडौं २ असार । नेकपा एमालेका नेता सूर्य थापाले स्थायी कमिटी सदस्य घनश्याम भुसालले एमाले विरोधी तत्वहरुलाई खुसी पार्न अध्यक्ष केपी ओली विरुद्ध आलोचना गरेको बताएका छन् ।
सामाजिक सञ्जाल मार्फत नेता थापाले यस्तो बताएका हुन् । नेता भुसालको यो
आत्मनिन्दाको विनाशकारी रवैया र ‘सत्यनाश’को तरिका भएको समेत उनले बताएका छन् ।
आफ्नो पार्टीका नेताविरुद्ध हस्ताक्षर गरेर सरकार ढाल्ने काममा लाग्दा कुनै कमजोरी गरेको महशुस नगर्ने व्यक्तिले अरुलाई पाठ पढाउँदै हिंड्नु उचित नहुने भन्दै थापाले पहिले आफ्नो निर्वाचन क्षेत्रमा पार्टीको अवस्था सुधारेर मात्रै नेतृत्वप्रति औंला तेर्साउन मिल्ने बताएका छन् ।
‘मर्यादाविपरीत सार्वजनिक गरिरहेको अभिव्यक्तिहरू एमालेविरोधी तत्वहरूलाई खुशी पार्ने कोटी हो ‘उनले भने ।
