एमाले राष्ट्रप्रेमी पार्टी रहेको अध्यक्ष केपी शर्मा ओलीले बताएका छन् । स्थानीय तह निर्वाचनमा सहयोग गरेका कलाकारहरुको सम्मानमा शनिबार पार्टीले आयोजना गरेको कार्यक्रममा उनले यस्तो बताएका हुन् । उनले कार्यक्रमलाई संबोधन गर्दै एमालेले मात्र राष्ट्रियताको कुरा गर्ने गरेको जिकिर गरे ।
उनले अहिले सम्म अन्य पार्टीले राष्ट्रियताको कुरा नगरेको दाबी गरे । ओलीले भने – नेपालको भूमि सामेल गरेर नक्सा बनाउन एमाले चाहियो । उत्तरतिरबाट बाटो खोल्न एमाले चाहियो । हाम्रो जमिन डुब्यो, खोल्न एमाले चाहियो । हाम्रो सिमाना सारियो, ठीक बनाउन एमाले चाहियो ।
अरु शक्तिहरु, व्यक्तिहरु, बोल्छ कोही ? त्यस्तै उनले एमाले बाहेक देशका लागि मरिमेट्ने अर्को पार्टी नभएको दावी गरे । एमालेले समृद्ध नेपालः सुःखी नेपालीको अवधारणा अघि सारेको तर अन्य पार्टीले समृद्धिको कुरा कहिल्यै नगरेको आरोप लगाए ।
