काठमाडौं २४ जेठ । नवलपरासी पश्चिमको जिल्ला अदालत परिसरमा गोली चलाएको अभियोगमा प्रहरीले एक जनालाई पक्राउ गरेको छ । पक्राउ पर्नेमा सरावल गाउँपालिका ४ मंगलापुरका २८ वर्षीय हंशराज यादव रहेका छन् ।
मंगलबार जिल्ला प्रहरी कार्यालयले निजलाई ७।६५ एमएमको पेस्तोल, म्यागजिन र एक राउण्ड गोलीसहित पक्राउ गरेको हो ।
अंश वण्डाको विषयलाई लिएर यादवले आफ्नै काकी रोशनी यादवलाई लक्षित अदालत परिसर मै गो ली चलाएका थिए ।
पक्राउ परेका निजउपर ज्यान मार्ने उद्योग तथा हातहतियार तथा खरखजनासम्बन्धी कसूर अनुसन्धान हुने प्रहरीले जनाएको छ ।
