काठमाडौं २२ जेठ । नेकपा एकीकृत समाजवादीका अध्यक्ष माधवकुमार नेपालले नयाँ मन्त्रीको नाम प्रधानमन्त्री शेरबहादुर देउवालाई बुझाएका छन् ।
मन्त्रिपरिषद् हेरफेर नियमित प्रक्रिया भएको भन्दै पार्टी अध्यक्ष नेपालले यस अघि नै मन्त्री पदमा नियुक्त गर्दा ६ महिनाको लागि भनेर नियुक्त गरेको स्पष्ट पारेका छन् ।
आइतबार बसेको पार्टीको सचिवालय बैठकले सरकारमा सहभागि सबै मन्त्रीहरु लाई फिर्ता बोलाई नयाँ मन्त्रीको नाम देउवा समक्ष पठाएको हो ।
पार्टीको निणर्यबारे जानकारी दिँदै अध्यक्ष नेपालले सुरु मै ६ महिनाको लागि भनेर सबै मन्त्रीलाई जानकारी गराइएको बताएका छन् । ‘सबैलाई ६ महिनाका लागि भनेका थियौं । यो नियमित प्रक्रिया हो’ उनले भने ।
