काठमाडौं २२ जेठ । नेकपा माओवादी केन्द्रले काठमाडौंको कोटेश्वरस्थित केन्द्रीय कार्यालय रहेको जग्गा किन्न नेतादेखि कार्यकताबाट वार्षिक १०० सय रुपैयाँ उठाउने निर्णय गरेको छ ।
आइतबार बिहान अध्यक्ष प्रचण्ड निवास खुमलटारमा बसेको केन्द्रीय कार्यालयको विस्तारित बैठकमा कार्यालय रहेको जग्गा नै किन्ने र कार्यालय व्यवस्थित गर्ने योजनाअनुसार रकम संकलन गर्न निणर्य गरिएको हो ।
पार्टी कार्यालय विस्तार र व्यवस्थित गर्न ८ लाख सदस्यबाट एक महिना भित्र न्युनतम एक सय रुपैयाँको दरले संकलन गर्ने निणर्य भएको पूर्व स्थायी समिति सदस्य हरिबोल गजुरेलले जनाएका छन् ।
