प्रभास साउथ इन्डस्ट्रीका चलेका अनुहार हुन्, तर उनको लोकप्रियता साउथमा मात्रै सीमित छैन, बलिउडमा पनि उनी उत्तिकै चर्चित छन् । तर आजकल अभिनेता आफ्नो बढेको तौलका कारण निकै चर्चामा छन् । फिल्म ‘राधे श्यामममा’प्रभासको दुब्लो शरीर देखेर फ्यानहरु छक्क परेका थिए भने फिल्मको प्रमोशनका क्रममा अभिनेताको तौल बढेको देखिएको थियो ।अभिनेता छिट्टै निर्देशक प्रशान्त नीलको फिल्ममा देखिने खबर आएको थियो । फिल्मको नाम पनि सार्वजनिक भएको छ ।
जसको नाम सालार भनिएको थियो । यसमा अभिनेताको एक्सन सिन देख्न सकिन्छ तर यतिबेला अभिनेताका फ्यानहरुलाई निराश तुल्याएको खबर बाहिर आएको छ । वास्तवमा फिल्मको सुटिङ रोकिएको छ ।फिल्मको छायांकन रोक्नुको कारण अरु कोहि नभई अभिनेता स्वयम् हुन् । प्रभासको बढेको तौलले समस्या सिर्जना गरेको छ, जसका कारण सुटिङ रोकिनु परेको छ । रिपोर्टका अनुसार प्रभास लामो समयदेखि आफ्नो तौललाई लिएर समस्यामा छन् । प्रभासले धेरै फिल्म ब्याक टू ब्याक गरेका छन् जसका कारण उनले आफ्नो स्वास्थ्य र फिटनेसका लागि समय पाएका छैनन् ।
चलचित्र ‘राधे श्याम’ मा अभिनेता एकदमै फिट देखिएका छन् । फिल्मका निर्माताले सीजीआईको सहयोगमा प्रभासलाई फिल्ममा अशोषित र फिट देखाएको मानिसहरु बताउँछन् । प्रभास साउथ इन्डस्ट्रीका सबैभन्दा फिट अभिनेता हुन्, उनले आफ्नो फिल्म बाहुबलीका लागि पनि धेरै तौल बढाए। सालारका निर्देशक प्रभासलाई फिल्ममा एकदमै फिट देख्न चाहन्छन् र उनी यसमा कुनै सम्झौता गर्न चाहँदैनन्, जसका कारण सुटिङमा रोक लगाइएको छ ।
नील अभिनेताले तौल घटाउन र शारीरिक रूपले टोन्ड आकारमा भएको चाहन्छन्। त्यसपछि मात्रै प्रभास फिल्मको सुटिङमा फर्किनेछन् । अब कलाकारहरु कहिले फर्कने र तौल घटाउन कति समय लाग्छ त्यो भने पछि मात्र थाहा हुनेछ । हालै डान्स रिहर्सलबाट फर्किएका प्रभासको तस्बिर सामाजिक सञ्जालमा भाइरल भएको थियो, त्यसपछि उनलाई धेरै ट्रोल गरिएको थियो ।
