काठमाडौं १९ जेठ । नेपाल कम्युनिष्ट पार्टी (एकीकृत समाजवादी) का अध्यक्ष माधवकुमार नेपालले गठबन्धनको भर पर्दा स्थानीय निर्वाचनमा धेरै सिट गुमाउनु परेको बताएका छन् । बिहिबार निर्वाचित जनप्रतिनिधिलाई बधाई ज्ञापन गर्न सुर्खेत पुगेका नेपालले यस्तो बताएका हुन् ।
एक्लै चुनावमा होमिएको भए धेरै सिट जित्ने दावी गरेका उनले मतदातामा चुनाव चिन्हको अस्पष्टताले सिट गुमाउनु परेको उनले बताएका छन् ।
निर्वाचन प्रणालीमा पनि त्रुटि देखिएको बताएका उनले प्रहरी, प्रशासन र निर्वाचन आयोगको भूमिकाप्रति गम्भीर आरोप भएको बताएका छन् ।
तथापी, चुनावी समीक्षाबाट आत्मालोचना भएकोले आगामी निर्वाचनमा पनि तालमेल हुने नेपालले बताएका छन् ।
